Bi hezaran kesî Meydanê Cinîya Azade yê Kobanê de pîya kom bîyî û seba ke îşxalê dewleta tirke protesto bikerê rayîrî ra şîyî. Zaf partîyanê sîyasîyan û rêxistinanê sivîlan paştî da rayraşîyayîşî. Rayraşîyayîş de pankartê ''Rêzdar Trump hemkarê qirkerdişê Erdoganî mebe'' û ''Dewleta tirke bi çekanê qedexekerdeyan verê çimanê dinya de sivîlan qetil kena'' berz kerdî.

Rayraşîyayîş Çerxerêya Aşitî ya nêzdîyê sînorî de vurîya bî nawnayîş. Nawnayîş bi rêzgirewtiş dest pêkerd. Hemsereka Meclîsê Zagonsaz ê Herêma Firatî Fozîye Ebdî qisey kerd. Ebdî hêrişê dewleta tirke şermezar kerdî û vera bêvengîya rayaumûmîye nêrazîbîyayîşê xo mojna. 

Çalakîye bi slogananê şermezarkerdişê îşxalê dewleta tirke qedîya.