Deştî Amanos (Dildar Henan) domanê Efrînî, zerrîya Helebî, çêrê Kobanê û dejê Tebqa bi. Ey rixmo ke di lingê xo Kobanê de verdayî, rayraşîyayîşê şorişî rê dewam kerd. Heta ke 6ê kanûna 2017î de dafikêka xayîne de pa 13 guleyan şehîd bi.

Deştî Amanos 1993 de dewa Meydanê ya qezaya Şera ya Efrînî de dadîya xo ra beno. Dima ke embazê ci Seyfî Cîhan (Deştî) şehîd bi Deştî Amanos 2014 de tewrê YPGyî bi. Deştîyî waştêne bi israrî şoro Kobanê. 

Deştîyî wina qala Kobanê kerdbi: ''Ma bi komêka pîle şîyî Kobanê. Oyo ke Kobanê dîyo, cayêkê bînî nêdî. Wexto ke ma resayî Girê Miştenûtî destê embazan de têna taxêke mendî.''

Deştî dima ke resa Kobanê verî şehadetê embazê xo yê rayîrî Pêşengî vîneno. Deştî nê şehadetî ser o soz dano ke Kobanê azad bikero. Pêşengî ra dima Egîd, Destîna, Hamza, Cûdî û Xemgîn zî şehîd benê.

Deştîyî vatbi: ''Girê Miştenûrî de hêrişê hewayî giran bîyî. Nişka ra vera taxa 48. 400 hawanî erzîyabî. Embaz Sorxwînî cîhazê bêtelî ra qisey kerd. Wexto ke ez oda ra vejîyayêne hawan kewt û ez xo ra şîya. Yew lingê mi qerifîya, oyo bîn parçe bi, destê mi şikîya. Apê Osman şehîd bi, Sorxwîn birîndar bi. Embazan waşt mi berz bikerê la mi waşt ke ê verî şorê hetkarîya Sorxwîn û Apê Osmanî. Înan vatêne qey ez do şehîd biba.''

Deştî wexto ke sey gazî agêra Kobanê zaf embazê ci şehîd bibî. Deştîyî seba ke dejê Kobanê rê bibo derman xîret kerd. Deştîyî wina qala ê rojan kerde: ''Ez key biba layîqê Rayber Apoyî o çax xo sey gazî vînena. Warê şerî de merdim eşkeno pê qelema xo zî, pê ziwanê xo zî şer bikero.''

Deştî 2015 de agêra Efrîn. 2016 de Şehba de pêkewtişanê giranan ra dima Deştî her roje nêweşxaneyî zîyaret kerdêne û moral dayêne embazanê xo. Dima Deştî waştişê xo ser o derbazê herêma Cizîre bi. 2017 de ey Perwerdeyê Gazîyan ê Şehîd Rizgar Wanî girewt û verê xo da Tebqa. Ey erkê awankerdişê komîteya gazîyan girewt xo ser, gazîyî perwerde kerdî û paştî daye înan.

Deştî Amanos 6ê kanûna 2017î de dewa Mehmûdîyê ya Tebqa de wexto ke erkê xo ser bi, dafikêka xayîne de, pê 13 guleyan birîndar bi. Rixmê pêro mudaxeleyan zî o tewrê karwanê şehîdan bi.