'Ma do bi hêzê gerîlayan, çar parçeyanê Kurdîstanî yew bikerê'
Roniştoxanê qezaya Qinê ya Kobanê vat: ''Ma hetê gerîlayan de yê, ma ra çi bêro waştene, ma do bikerê. Ma do bi hêzê gerîlayan, çar parçeyanê Kurdîstanî yew bikerê.''
Roniştoxanê qezaya Qinê ya Kobanê derheqê hêrişanê îşxalî yê dewleta tirke û hemkarîya PDKyî de ANFyî rê qisey kerd.
Endama Meclîsê Qezaya Qinê Rodîne Mihemed îfade kerd ke dewleta tirke dişmenîya Rojawanî kena û vat: ''Dewleta tirke wazena pêro kurdan çin bikera. Ma heta peynî gerîlayan reyde yê. Êyê ke koyan de têkoşîn kenê domanê ma yê. Gerîlayan reyde ma do çar parçeyanê Kurdîstanî bikerê yew û erdê xo bixelisnê.''
Endama Têgêrayîşê Cinîyan Semîra vat: ''Dewleta tirke û PDK xîret kenê ke gerîlayan çin bikerê. Dewleta tirke pê çekanê kîmyewîyan hêrişê gerîlayan kena. La ma do tim hetê gerîlayan de bibê.''
Endamê Heyetê Silhî Elî Mihoyî zî venga pêro kurdan da ke wa bibê yew û vat: ''Eke no şoriş bêro çinkerdene, kurdî do reyna bibê kole. Ma do bi hêzanê xo yê gerîlayan û şerwanan azad bibê. Ma ra çi bêro waştene, ma do bikerê. Ma amade yê ke seba serkewtişê gerîlayan her çi bikerê.''
