Eşkerayîye wina ya:

"Xoverdayîşê Kobanê û binkerdişê DAÎŞo ke dewleta tirke paştî dayêne ci ra 5 serrî vîyartî. Cergê DAÎŞî Baxoz de ameyî binkewtene. Şarê ma dejê pîlî antî, koç kerd û hema zî dejan anceno. Welatê ma hema zî binê îşxalî de yo.

Kobanê tarîx de wayîrê cayêkê taybetî ya ke tede terorîstî ameyî binkewtene û xoverdayîşêko pîl ame kerdene. Hêzê YPG û YPJyî vera terorîstan bîyî yew û pîya şer kerd.

DAÎŞî têna hetê hêzanê mîyanneteweyan ra ney hetê dewleta tirke ra zî ameyêne paştdayene. Dewleta tirke waştêne ke Rojawan talan bikera û sîstemê demokratîkî birijna.

Kobanê hînî goreyê 5 serranê vîyarteyan cîya ya. Ewro Kobanê sayê Îdareyê Xoserî û şarî payan ser o ya. Dewleta tirke hema zî sere de Kobanê herême tehdît kena.

Ma venga rayaumûmîya mîyanneteweyîye, Koalîsyonê Mîyanneteweyî,  hêzanê Rûsya yê Sûrîye danê ke sucê dewleta tirke ya îşxalkere yê vera Rojawanî vindarnê. Ma reyna vanê ke seba qedînayîşê krîzê Sûrîye çareserîya sîyasî ra ber rayîrêk çin o."

YPGyî û YPJyî 26ê çeleyê 2015î de xoverdayîşê 134 rojan ra dima Kobanê cerganê DAÎŞî ra xelisnaye û azad kerde.