Partîya BastA! ya Swîsre paştî daye Kampanyaya ‘’Ez wazena Abdullah Ocalanî zîyaret bikera’’ ya Forumê Azadîye û Haştîye yê Ewropa (EFFP) ke seba pêvînayîşê bi Rayber Apoyî dîyabî destpêkerdene.

Sekretera Pêroyî ya BastA! Fransizka Stier 7ê hezîrane de mektubêke şawite Wezîrê Edaletî yê Tirkîya Yilmazî û waşt ke nameyê partîye ser o a wazena Rayber Apoyî bivîna.

Mektube de ame parekerdene ke Vengdayîşê Haştîye û Komelê Demokratîkî yê Rayber Apoyî zaf veng veto û seba haştîya dinya firsend o. Fransizka vat: ‘’Heta ke ma Birêz Ocalanî de temas nêkerê ma do nêzanê o senî fikirîyeno.

Ganî seba ameyoxê Tirkîya, Kurdîstan û Rojhelatê Mîyanênî firsendê çareserîye bêrê afernayene.’’