Merkezê Çapemenîye yê Hêzanê Sûrîyeya Demokratîke (QSD) eşkerayîye daye û nê vatî:

''Hêzanê ma vizêr (îne) vera dewleta tirke ya îşxalkere û çeteyanê ci cepheyê Pirdê Qereqozaxî (dewanê Qelet El Necim, Hoşeriyê û Qilê Xwedê yê rojhelatê başûrê Minbicî) de vera baregehê çeteyan çalakîyî kerdî. Ame tesbîtkerdene ke 6 çeteyî ameyî kiştene û 8 çeteyî birîndar bîyî.

Hêzanê ma rojhelatê Minbicî de sîstemê radarî yê îşxalkeran îmha kerd.

Teyarayanê şerî yê dewleta tirke vera dewanê herême hêrişê xo zafêr kerdî. Teyarayanê şerî dewê Xeseq, Tînayê, Şebaniya  û Bîr Hisoyî dayî bombayan ver. Hêrişan de zerarêk nêame meydan.

Îşxalkeran Pirdê Qereqozaxî û dewê dormeyî Bîr Hos, Tîne, Dîkan û Girê Sêvê bi obus, havan û fûzeyan dayî bombayan ver, nê cayan de zerarêk nêame meydan.

Artêşa tirke ya îşxalkere û çeteyanê ci bi teyarayanê şerî dormeyê Awbendê Tişrînî da bombayan ver.

Çeteyanê dewleta tirke ya îşxalkere hêrişê Qilê SyriaTelî kerd, Yewîyanê Şehîd Harunî cewabê ci da û wesayîtêko leşkerî yo bi markaya Toyota yê çeteyan ame îmhakerdene.

Çeteyanê dewleta tirke ya îşxalkere hêrişê nuqtaya hêzanê yê cepheyê Dêr Hafirî kerd.Şervananê ma cewabê hêrişî da, xeylê çeteyî ameyî kiştene û birîndar bîyî la hûmara înan nêameye tesbîtkerdene.

Hetê bînî ra Yewîyanê Şehîd Harunî bi çekanê giranan vera çeteyan çalakîye kerde, wesayîtêkê çeteyan ame îmhakerdene.

Goreyê bîlançoya vizêrî; 6 çeteyî ameyî kiştene, 8 çeteyî birîndar bîyî û 2 wesayîtî ameyî îmhakerdene.''