Merkezê Îrtîbatî û Çapemenîye yê QSDyî bîlançoya bombardumananê dewleta tirke ya îşxalkere yê vera Rojawanî eşkera kerde.

QSDyî da zanayene ke zîyaretê efseranê artêşa tirke û îstîxbaratê înan ra dima dewleta tirke 24 saetan de bi desan dew û bajarekê Rojawanî bi giranî dayê bombayan ver. QSDyî vat: ''Dewleta tirke hemwelatîyê ma vistî binê tehlukeyî û axpînî vêşnayî. Wextê nê bombardumanan de têgêrayîşê teyarayanê keşfî zêdîyayî.

Dewê qezaya Şêrawa yê Efrînî, Minbic, Kobanê û Eyn Îsa, qasê 280 kîlometreyan ame hedefkerdene. 53 dewî dîyayî bombayan ver, 40 kîlo madeyê teqaberî şuxilîyayî.

Efrîn û Şehba de gundên; Soxanek, Aqîbê, Dêr Cimêl, Kiştear, Tinib, Şewarxa û kelaya ci, Merenaz, Tat Maraş, Kefer Anton, Minix, Eyn Deqnê, Şêx Îsa, Herbel, Semûqa, Til Medîq, Bendava Şehba, Teane, Mişêrfe, Zîwan û dormeyê qezaya Til Rifetî qasê bi 700 topî ameyî hedefkerdene.

Minbic û dormeyê Babî de dewê Hoşeriyê, Cat, Tûxar, Ewn Dadat, Mihsenlî, Ereb Hesen, Um Cilûd, Dendeniyê, Seyada, Yanlilî, Qurt Wêran û Kawiklî bi 177 topan ameyî hedefkerdene.

Kobanê de dewê Zor Mixar, Şiyûx Jorîn, Xerab Êto, Beyadiyê, Siftek, Boban, Ziyaret, Aşmê, Mezret Ehmed Mûnîr û Girê Miştenûrî bi 67 topan ameyî hedefkerdene.

Dewê Mielek, Mişêrfe, Cehbel, Seyda, Cedîde, Xwaringeha El-Saqir û rêya M4 bi 30 topan ameyî hedefkerdene.

Dewleta tirke qestî ra wextê karî de, saetanê sixletînan de nê dewî dayî bombayan ver. Bombardumanî çarçewa planê qirkerdişî yê dewleta tirke de yenê kerdene. Ganî dewleta tirke mehkemeyanê mîyanneteweyîyan de bêra muhakemekerdene.

Hemwextê nê hêrişan de medyaya femî ya dewleta tirke xeberê zûrî vila kerdî ke vatêne 21 şerwanê ma şehîd bîyê. Nê xeberî zûr ê. Dewleta tirke raşta raşte waranê cuye kena hedef û nê hêrişan de xeylêk cinî û domanî birîndar bîyî, zerar resa bi desan malanê hemwelatîyan.''