Merkezê Çapemenîye yê QSDyî bilançoya 24 saetanê peyênan a hêrişanê dewleta tirke ya îşxalkere û çalakîyanê ke vera nê hêrişan ameyî kerdene, pare kerde û nê vatî:

''Hêzanê ma vizêr (sêşeme) dormeyê Awbendê Tişrînî de droneyêko çekdar ê Kamikaze yê dewleta tirke û çeteyanê ci da war. Reyna  teyarayanê şerî û droneyanê çekdaran dormeyê awbendî bitaybetî banê ke xebatkarê awbendî tede manenê, hedef girewtî. Hêriş de xesaro madî ame meydan

Cepheyê Pirdê Qereqozaxî de şervananê ma qilê Qereqozaxî de vera artêşa tirke û çeteyanê ci tay çalakîyî kerdî. Reyna dewa Qebir Îmoyî de quleyê resnayîşî ame hedefgirewtene. Çalakîyan de çeteyî merdî û birîndar bîyî, zelal ame tesbîtkerdene ke di çeteyî birîndar bîyî.

Teyarayanê şerî yê îşxalkeran dewê Malha, Bîr Hesen û Xeseqê dayî bombayan ver, xesaro madî ame meydan. Reyna dewê Eltîna, Cada, Bîr Hesen, Xeseq, Dîkan, ElSana, Malha û qislê Sêvê pê çekanê giranan, tanq, rokeeştişan û havanan 140 reyî ra zafêr dîyayî bombayan ver.

Cepheyê Dêr Hafirî de zî çeteyêkê waşt bikewo nuqtaya şervananê ma bi hacetanê resnayîşî û çekanê ke serê ci de bî ame tepiştene.

Vizêr cemê şanî teyarayanê şerî yê dewleta tirke bajarekê Şêxler/El Şiyûxî yê Kobanê da bombayan ver û droneyê çekdarî herême de gêrayî.Hetê bînî ra Eyn Îsa de zî droneyê çekdarî gêrayî.''