QSDyî ra bîlançoya xoverdayîşî ya 24 saetanê peyênan

Merkezê Îrtîbatî û Çapemenîye yê QSDyî ra bîlançoya xoverdayîşî ya 24 saetanê peyênan eşkera kerde û pare kerd ke çalakîyanê înan de xeylê îşxalkerî kişîyayê.

QSDYÎ RA BÎLANÇO

Merkezê Îrtîbatî û Çapemenîye yê QSDyî ra bîlançoya xoverdayîşî ya 24 saetanê peyênan eşkera kerde. QSDyî vat:

‘’Roja çarşemeyî Awbendê Tişrînî de vera noqtayêka çeteyan çalakîye ameye kerdene. Tîya de hûmara kişteyan nêameye qetîkerdene. La 3 çeteyî birîndar bîyî û 2 çeteyê serê motosîklete kişîyayê.

Droneyanê çekdaran ê dewleta tirke dormeyê Awbendê Tişrînî da bombayan ver. Dewa Xirbê Tiwênî de noqtaya hêzanê ma dîyaye bombayan ver, şerwanêkê ma şehîd bi û şerwanêkê ma zî birîndar bi.

Kobanê de mezraya Ehmed Munîrî dîyaye bombayan ver û tîya de zeraro madî yo pîl qewimîya. Dewê Beyad û Cubna zî bi obusan dîyayî bombayan ver.

Giranê Qereqozax û Newroze de çalakîyê bitesîrî ameyî kerdene. Goreyê tesbîtan tîya de 3 çeteyî birîndar bîyî.

Pêro roje Eyn Îsayî ser o droneyê çekdarî perrayî.’’