Şerwanê HPCyî Mihemed Emîn nêweşê polîdaktîlî yo la rixmê nêweşîya xo zî 6 serrî yo erdê xo paweno. Emînî derheqê cu û têkoşînê vera astengîya fîzîkîye de ANFyî rê qisey kerd. 

Emînî da zanayene ke ey serranê 90an de vilawekanê PKKyî ra mefhumê têkoşînî fam kerd û ê deyndarê PKKyî yê. Emînî vat: ''Wextê Şorişê Rojawanî de ma musayî ke erdê xo bipawê. Wextê rejîmê Baasî de ma têna pîzeyê xo kerdêne de. Nika ma eşkenê keye, erd û şarê xo bipawê. Pawitiş esasê ciwîyayîş û erkê her kesî yo.  Xopawitiş cewherê merdiman o. Eke merdim durust, têkoşêr û çêr nêbo nêeşkeno bipawo. Xora zehmetîyê xopawitişî est ê la ganî merdim kede bido ci.''

Emînî pare kerd ke rixmê astengîya ci ya fîzîkîye zî ey pêro erkê xo ardî ca û vat: ''Eke merdim biwazo eşkeno her çi bikero. Mi zî waşt û kerd. Ewro ez eşkena çeke bigêra destê xo, erd û keyeyê xo xirabîyan ra bipwa. Domanê mi zî hem xo hem zî nasnameyê xo pawenê. Dewtkewteyê şorişî ma hêzdar kenê. Ez tim keyeyê xo rê qala girîngîya xopawitiş û têkoşînî kena.

Erkê xopawitişî têna erkê QSD-YPG-YPJyî nîyo. Ma zî hendê înan mesuldar ê ke erdê xo bipawê. Eke her kes xo bipawo çew nêeşkeno verê ma de vindero. Wa Rojawan de her kes tewrê HPCyî bibo û erdê xo bipawo.''