Rojawan de hemwelatîyan bi şayîyan 4ê Nîsane rojbîyayîşê Rayberê Şarê Kurdî Abdullah Ocalanî fîraz kerd.

Dêrik de şarê Rojawanî bi meşaleyan rojbîyayîşê Ocalanî fîraz kerd, findî tavistî û seba azadîya Ocalanî sloganî vatî. Şayîye bi govendan û deyîran qedîyaye.

Kobanê de serkêşîya Kongreya Starî de bi wesîleya 4ê Nîsane ame fîrazkerdene. Şar Çemê Firatî de, Baxçeyê Rayberê Şarê Kurdî Abdullah Ocalanî de ame pêser û qeranfîlî eştî çemî. Dima şarî keyeyo ke Ocalan Kobanê de tede mendêne zîyaret kerd û  tîya de şayîyêke viraşte. Şayîye pê sloganan qedîyaye.