Keyeyanê şehîdan ê Kobanê vera hêrişê îşxalî yê dewelta tirke yo ke bi hemkarîya PDKyî  vera Herêmanê Pawitişî yê Medya û Rojawanî yeno kerdene hêrsê xo ard ziwan.

Babîyê hîrê şehîdan Mihemmed Sediq: ''Dewleta tirke dişmenê kurdan a. Dewleta tirke hêrişê gerîlayan kena, hêrişê  Qamişlo, Kobanê kena û mabênê Şingal û Rojawan de dêsê şermî virazena. Nê heme bi paştdayîşê keyeyê Barzanî yenê kerdene. PDK wa hinî nêşermî ra bixelisîyo.''

Gulsime Şêxo: ''Bajar û koyê ma yenê bombardumankerdene, ciwanê ma yenê qetilkerdene. Erdogan bi paştdayîşî dahîna zaf hêriş keno. Ma merdimê şehîdan ê, verê hêrişan de milê xo çewt nêkenê.''

Şemsê Seyîd: ''Barzanî Erdoganî reyde bîyo yew dano gerîlayan ro. Ti ûca çi gêrenî? Eke ti kurd ê bê kişta gerîlayan de vinderê. Pê teyarayan hêrişê gerîlayan kenê. Gerîlayî qicê ma yê. Ma heta peynî paştî danê înan.''

Cîhane Bozan: ''Tim dewleta tirke pîya bi Barzanî bena yew û hêrişê kurdan kena. Erdogan semedê paştdayîşê hêrişî Barzanî rê spas keno. No şermêko pîl o. Ma nê qetî qebûl nêkenê. Tîya Herra ma ya. Seba ke ma tîya azad biciwîyê ma do têkoşînî rê dewam bikerê.''

Welat Şêxo: ''Ma veng danê pêşmergeyanê bişerefan; wayîrê anorê xo vejîyê û kişta gerîlayan de vinderê. Hemkarîya dişmenî mekerê.Erdogan semedê hêrişî Barzanî rê spas keno. Kurdî do çirey nê xo vîr a mekerê.''

Xenime: ''Erdogan bîyo har hêrişê kurdan keno. Keyeyê Barzanî zî paştî dano ci. Wa keyeyê Barzanî bizano ke êyê ke ewro hêrişê gerîlayan kenê siba do hêrişê to bikerî. Nê îxanetî caverd.''