Roja verêne ya Roşanê Remezanî de bi seyan kesî Şehba de Goristanê Şehîdan zîyaret kerdî. Roniştoxan vilîkî nayî goranê şehîdan ser, roşan fîraz kerd. 

Nameyê Meclîsê Keyeyanê Şehîdan ser o Sureya Hebeş zîyaretan de qisey kerd û vat: ''Roşan Rayber Apoyî, şaranê haştîgîran û pêro misilmanan rê fîraz bo. Roşanê Remezanî roşanê haştîye û asayîşî yo. Roşan wayûbiratîya şaran a. Heyf ke dewleta tirke nameyê Îslamî ser o şaran xapînenan û kurdan qir kena. Ma venga komelê Îslamî danê ke verê Erdoganî bigêro.''

Eşkerayîya keyeyan de zî ame vatene ke şarê kurdî do verê sîyasetê Erdoganî bigêro û Efrînî îşxalî ra bixelisno.