Hemserekanê TEV-DEMî Rûkene Ehmed û Xerîb Hisoyî hêrişê vera Zap, Şingal û Rojawanî û netîceyê nînan ANFyî rê ercnayî.

Hemsereka TEV-DEMî Rûkene Ehmed bale ante ser ke ê tim hetê şarê Başûr û Şingalî de yê û vat: ''Ganî şarê ma raştîya xayînîya Barzanîyan bizano. Seba ke îxanet biqedo ganî kurdîstanijî xoverdayîşê xo pîlêr bikerê. Gerîlayî hêvîyê şaran ê. Ganî pêro partî, dezheh û rêxistinê Rojawanî paştî bidê gerîlayan.''

Hemserekê TEV-DEMî Xerîb Hisoyî zî ard ziwan ke Tirkîya, Iraq, Sûrîye û PDK seba çinkerdişê îrade û destkewteyanê şarê kurdî hêriş kenê coka Şehba ra heta Zapî warêkê pîlî de şer vila bîyo. Hisoyî vat: ''Hukmatê Kazimîyî bi paştdayîşê PDKyî hêrişê Şingalî keno. Ma paştî danê xoverdayîşê şarê Şingalî. Erkê ma yo ke ma vera îxanetê PDKyî têbigêrê.

Nika xoverdayîşê gerîlayan moralêkê pîlî dano şarê ma. M xoverdayîşê Zap û Avaşînî sey xoverdayîşê xo û serkewtişê înan zî sey serkewtişê xo vînenê. Eke dişmen uca de bin bikewo do tîya de zî bin bikewo. Îradeyê şaran pabesteyê yewbînan o. Seba ke Hêrişê vera Şehba, Şingal û Zapî pabesteyê yewbînan ê serkewtişê Zapî do bibo serkewtişê temamîya Kurdîstanî. Coka ganî her kes nê xoverayîşî pîl bikero. Şarê Rojawanî xoverdayîşê Şehba û Zapî sey serkewtişê ameyoxê xo vîneno.''