Çarçewaya operasyonê vera Şaredarîya Bajarê Pîlî ya Îstanbulî de operasyonê pelê çarinî ame kerdene. Operasyon de derheqê 49 kesan de qerarê destbendkerdişî ame girewtene.

Kesê ke derheqê ci de qerarê destbendkerdişî est o înan ra xeylê kesî ameyî destbendkerdene.

Serdozgerîya Komere ya Îstanbulî derheqê operasyonî de eşkerayîye daye û vat derheqê şikdaran de cigêrayîş, destbendkerdiş û destsernayîş dewam kenê.