Rojawan de 28 partîyanê sîyasîyan û rêxistinêka cinîyan vera hêrişanê îşxalî yê dewleta tirke eşkerayîyêka hempare daye û û venga pêro kurdan da ke vera hêrişan platformêko hempar bêro ronayene.

Eşkerayîye de ame îfadekerdene ke dewleta tirke destkewteyanê kurdan û şaranê herême hedef kena û xîret kena ke mabênê kurdan de şerê zereyî veja. Eşkerayîye wina dewam kena: ''Ma venga hêz û têgêrayîşanê kurdan danê ke serê metod û erjanê hemparan de pêbikerê û heqanê şaranê herême û şarê kurdî bîyarê ca.''

Partîyan eşkerayîye de nê waştişê hemparî pêşkêş kerdî:

''-Wa hêrişanê vera Herêmanê Pawitişî yê Medya de dewleta tirke rê hemkarîye nêra kerdene.

-Wa mabênê hêz û partîyanê kurdan de platformêko bikoordîne bêro awankerdene ke vera hêrişanê îşxalî tewir bêro mojnayene.

-Seba awankerdişê komîteyêka sîyasî û dîplomatîke ya hemoare xebatî wa bêrê kerdene.

-Wa pêro hemkarê îşxalkeran bêrê krîmînalîzekerdene û şermezarkerdene.

-Wa partî û hêzê kurdî pêro nakokî û meseleyanê xo bi rayîrê dîyalogî çareser bikerê.''

Nê partî û hêzan morê xo dayo binê eşkerayîya hempare:

Partiya Yekitiya Demokratîk, Partiya Kesk a Demokratîk, Partiya Aştiyê ya Demokratîk a Kurdistanê, Yekitiya Lîberal a Kurdistanê, Partiya Kumînîst a Kurdistanê, Partiya Demokrat a Kurdistanê-Sûriyê, Partiya Demokratîk a Kurdî li Sûriyê, Partiya Çep a Kurd li Sûriyê, Partiya Çep a Demokratîk a Kurd li Sûriyê, Partiya Kombûna Nîştimanî ya Kurdistanî, Tevgera Guhertinê ya Demokratîk a Kurdistanê, Tevgera Nûjen a Kurdistanê, Yekitiya Karkeran a Kurdistanê, Desteya Nîştimanî ya Erebî, Partiya Nûjen û Demokratîk bo Sûriyê, Partiya Komarparêz a Kurdistanê, Partiya Rêkeftin a Demokrat a Kurdî ya Sûrî, Tevgera Çaksazî ya Kurdî-Sûriye, Partiya Asûrî ya Demokratîk, Partiya Biratî ya Kurdistanê, Partiya Roj a Demokrat a Kurd li Sûriyê, Yekitiya Nîştimanî ya Azad-Rojava, Tevgera Civaka Demokratîk, Kongra Star, Partiya Muhafazkaran a Demokratîk, Partiya Têkoşîna Demokart, Şepêla Pêşeroj a Kurdistanê, Partiya Demokrat a Kurdistanê-Rojavayê Kurdistanê.