Dewleta tirke ya îşxalkere 8ê kanûna 2024î ra nata bi hawayêkê sîstematîkî Awbendê Tişrînî û Pirdê Qereqozaxî dana bombayan ver. Şerwanê HAT û YPJyî yê ke 43 rojî yo vera herişanê îşxalî yê dewleta tirke xo ver danê, înan ajansê ma rê qisey kerd.

Şerwana YPJyî Amargî Cûdîya ke xoverdayîşê Tişrîn û Qereqozaxî de cagirewto vat: ''Ma sey YPJyî vera hêrişan cewabanê tûjan danê û xo ver danê. Şarê ma bi şerwanan bawer o. Ma do bi na bawerîye hêrişan xo ver bidê û azadîya şarê xo bîyarê ca. Ma îşxalkerî poşman kerdî. Ma do rayîr nêdê îşxalî. Peynîya nînan binkewtiş o.''

Şerwanê HATî Çekdar Kobanêyî vat: ''Ma xoverdayîşê Qereqozaxî de yê. Vera hêrişanê dewleta tirke ma xoverdayîşê asta berze kenê. Ma rayîr nêdanê ke îşxalkerî gamêke aver şorê. Ê vînenê ke netîceya waştişê îşxalî çita ya. Şerwanî do rayîr nêdê îşxalê erdê xo. Ma do xeyalê şehîdanê xo bîyarê ca û vera hêrişan şarê xo bipawê.''