Yewinanê Pawitişê Cinîyan (YPJ) bi merasîmêkê heybetînî Hesekê de Qerargehê Merkezê Pawitişê Cinîyan akerd.

Sere de keyeyê şehîdan, Fermandarê QSDyî, Hêzê Asayîşê Zereyî, temsîlkarê Îdareyê Xoserî, Kongreya Starî, HPC-Jin, TEV-DEM, fermandar û şerwanê YPJyî tewrê merasîmî bîyî.

Fermandara Pêroyî ya YPJyî Rohilate Efrîn merasîm de qisey kerd û ard ziwan ke ê nê merkezî dîyarîya şehîdan û cinîyan kenê. Rohilate Efrîn vat: ''Cinîyî ganî bi felsefeya 'Jin, Jiyan, Azadî' warê pawitiş û xopawitişî de xo aver berê. YPJyî bi bedelanê pîlan destanê qehremanîye nuştî, peyê xo de mîrasêko pîl verda. Ganî cinîyî wayîrê nê mîrasî vejîyê.

Ma hê prosesê 25ê Teşrîna Peyêne de yê. Ganî cinîyî bi ferasetê na roje paştdayîşî pîlêr bikerê û têkoşînî rê dewam bikerê. Qerargehê Merkezê Pawitişê Cinîyan pawitişê pêro cinîyan ra mesuldar o. Ma do vera hêrişanê DAÎŞî, El Nûsra û dewleta tirke xoverdayîşê xo pîlêr bikerê. Ma venga pêro cinîyan zî danê ke verê refanê xoverdayîşî de cabigêrê.''

Fîrazkerdiş de koma Hîlala Zêrîne vejîyaye sehne ser. Şerwanan girseyî reyde govende girewte.