Menga nîsane de 32 cinîyî ameyî qetilkerdene

Goreyê raporê menga nîsane yê KCDPyî camêrdan 32 cinîyî qetil kerdî, 13 cinîyan zî bi hewayêkê şikdarî dinyaya xo bedilnaye.

Platformê Ma Do Cinîyatanê Cinîyan Vindarnê (KCDP) raporê xo yê menga nîsane eşkera kerd. Goreyê raporî 32 cinîyî ameyî qetilkerdene, 13 cinîyan zî bi hewayêkê şikdarî dinyaya xo bedilnaye.

Goreyê raporî 19 cinîyî hetê mêrdeyanê xo ra, 5 cinîyî hetê waştîyanê  xo ra, 3 cinîyî hetê merdimanê xo ra, 2 cinîyî hetê xerîban ra, 1 cinî hetê babîyê xo ra, 1 cinî hetê birayê xo ra 1 cinî zî hetê lajê xo ra ameye qetilkerdene. 18 cinîyî keyeyê xo de, 4 cinîyî kuçe de, 2 cinîyî warê umûmî de, 1 cinî wesayît de, 1 cinî erazî de, 1 cinî cayo ke çew tede çîn o de, 1 cinî otêle de û 1 cinî zî mereke de ameye qetilkerene. Bahaneye qetilkerdişê 18 cinîyan zî nêame tesbîtkerdene.