Koordînasyonê KJKyî derehqê qerarê qeraranê Dewaya Kobanê de eşkerayîya nuştekîye daye û nê vatî:

"Şarê ma yê Vakurê Kurdîstanî 7-8ê teşrîna verêne de vera hêrişê DAÎŞî yê vera şarê Rojawanî wertiş payan ser û wayîrê Kobanê vejîya. Îqtîdarê AKPyî ke paştgêrê DAÎŞî yo seba ke hêrişê îşxalî yê vera Şingal û Rojawanî û qirkerdişê vera cinîyan û şarê kurdî  û qirkerdişo sîvîlo ke 7-8ê teşrîna verêne de kerd binimno û verê muhakemekerdişê qetilkaran bîgêro na dewa daye despêkerdene. Bi nê waştişî  Dewaya Kûmpasî ya Kobanê vist dewre ke sîyasetê demokratîkî tesfîye bikero, heqê sîyasetî destê kurdan û cinîyan ra bîgêrê û ceza bido merdimîya ke paştî daye Kobanê.  Ame waştene ke bi  nê cezayanê giranan têkoşînê hemparî yê cinîyan, kurdan û şaranê dinya bêro cezakerdene û îzolekerdene.

Bi tekîlîya AKP-DAÎŞî yeno waştene ke vera şarê kurdî qirkerdişo newe bêrokerdene ke Rojhelatê Mîyanênî bigêro binê kontrolî. Vera AKP-DAÎŞî yo ke vera dinya sey tehdîtî yeno zanayene, dormeyê xoverdayîşê Kobanê de xoverdayîşo pîl yê merdimîye ame afirnayene. Kobanê  bi şerê bi  ruhê  têkoşînê  enternasyonalîstî ser kewt. Bi xoverdayîşê Kobanê AKP-DAÎŞ bin kewt û stratejîya vilabîyayîşê Rojhelatê Mîyanênî ya îtîfaqanê vera kurdan rijîyaye. Rejîmê  faşîstî yê AKP-MHPyî seba ke verê rijnayîşî bigêro planê çokdayîşî vera kurdan fîna dewre, Rayber Apo girewt binê tecrîdî, vera Rojawanî şerê îşxalî dayî destpêkerdene, vera gerîlayan çekê qedexeyê şuxilnayî, semedê tesfîyekerdişê sîyasetê demokratîkî Vakurê Kurdîstanî de Dewaya Kobanê daye destpêkerdene.

Tewr peynî de bi hukmatê Iraqî pê kerd ke Başûrê Kurdîstanî îşxal bikero, hazirîya operasyonanê leşkerî dîyaye destpêkerdene. La weçînayê 31ê adare de şarê ma û hêzanê demokrasîyî yê Tirkîya rejîmo faşîst bin fîna û bi serhildanê Wanî reyna mojna ke şarê kurdî tim xover dano. Erdogan hêzo ke vînî kerdo seba ke newera bifîno dest bi vatişê nermbîyayîşî kerd ke şarî bixapîno. Normalbîyayîş têna bi wedaritişê tecrîdê serê Rayber Apoyî mumkun o. Şarê ma do nê cezayanê giranan çîn bihesibno û çalakîyanê xoverdayîşî bi xurtkerdişî heta serewktişê têkoşînî bidomno.

Ma veng danê şarê xo ke wa vera tecrîd û hêrişanê vera Îmraliyî û heme zîndanan kuçeyan bikero warê xoverdayîşî. Ganî bi xurtkerdişê têkoşînî têkoşîn bêro şiknayene û qerarê Dewaya Kobanê bêrê betalkerdene. Ma veng danê wa Dewaya Kobanê bêra wayîrvejîyayene û xeta xoverdayîşê cinîyan a vera DAÎŞî bêro pawitene. Ganî hêzê demokrasîyî yê dinya û aktorê polîtîkî vera hêrişanê qirkerdişî û hêrişanê qesasî yê polîtîkan ê vera kurdan 'qesawetkerdişî' caverdî û tewirê  xo ramojnê."