6-8 teşrîna verên a 2024î de vera hêrişanê DAÎŞî yê vera Kobanê çalakîyê protestoyî ameyî kerdene.  Nê semedî ra Hemserekê Pêroyî yê HDPyî yê verênî Fîgene Yuksekdag û Selahattîn Demîrtaş zî tede derheqê 108 sîyasetmedaran de Dewaya Kobanê ameye akerdene û roniştişê qerarî yê 16ê gulane de cezaya seserran dîyaye sîyasetmedaran. Ewro xeylêk bajaranê Kurdîstanî de no qerar ame protestokerdene.

Peyasê Amedî de hetê DBP û DEM Partî ra verê Ceylan AVMyî de eşkerayîye ameye dayene.  Bi seyan kesî tewrê eşkerayîye bîyî. Rixmê ablûqaya polîsan şarî bi slogananê “Bijî berxwedana Kobanê”, “Bijî berxwedana zindana”, “Ma do bi têkoşî ser bikewê ” û “Zextî nêeşkenê ma vindarnê ” qerar protesto kerd. Qiseykerdişan de ame vatene ke DAÎŞ Kobanê de bin kewt, qerarê hukmî, no faşîzm zî do na herre de bin bikewê.

Çalakîyê de ame vatene ke ê do tim kuçeyan de bî û semedê çalakîya ke do siba Meydanê Şêx Seîdî de bêro kerdene ame vengdayene.

Reyna Şirnex, Sêrt, Riha û xeylêk bajaranê bînan ê Kurdîstanî de qerarê Dewaya Kobanê ame protestokerdene û mesajê xurtkerdişê têkoşînî ameyî dayene.