Îstanbul, Manîsa û Îzmîr de operasyonê qirkerdişê sîyasîyî de 18 kesî ameyî tepiştene.

Îzmîr de 15ê gulane de  16 kesê ke tewrê çalakîya paşatdayîşê xoverdayîşê Wanî bîyî ameybî destbendkerdene. Înan ra Arda Duvarci, Azat Kunur, Nazif Çakır, Nilufer Yildiz, Samet Sagniç, Serdar Akturk, Selman Yagmagan, Sezgin Zevkibol û Serhat Çukurçam ameyî tepiştene û ê bînî bi şertê kontrolê edlîyî ameyî veradayene.

Badê qerarî partîyanê sîyasîyan û rêxistinanê komelê sîvîlî verê edlîye de eşkerayîye daye û vat wayîrvejîyayîşê îradeyê Wanî sûc nîyo.

Manisa de zî 8 kesê ke 16ê gulane de seba ke wextê weçînayîşan de deyîra kurdkî ya bi nameyê Bêrîtane cinaya, ameybî destbenderkdene  înan ra Hayri Soylemez, Işik soylemez û Ahmet Akan bi îdîaya ''endamîya rêxistine'' ameyî tepiştene û ê bînî bi şertê kontrolê edlîyî ameyî veradayene.

 Îstanbul de zî 20 kesê ke 15ê gulane de ameyî destbendkerdene înan ra Alamettin Demir, Çetin Demir, Fikri Baş, Filiz Aydin, İbrahim Elban, Yaşar Gokdemir ameyî tepiştene û ê bînî bi şertê kontrolê edlîyî ameyî veradayene.