Dewaya Kûmpasî ya Kobanê de cezaya 407 serran û 7 aşman dîyaye 24 sîyasetmedaran.  Kobanê de vizêr bi seyan kesan qerarê na cezaya girane protesto kerd.

Rayraşîyayîşo ke bi slogana ''Tepişteyê Dewaya Kobanê anorê ma yê'' Meydanê Cinîya Azade ame kerdene de fotografê Rayberê Şarê Kurdî Abdullah Ocalanî û tepişteyanê Dewaya Kobanê ameyî kiriştene û slogana “Berxwedan jiyan e” ameye vatene.

Rayraşîyayîş Meydanê Seyîd Egîdî de  açarîya mîtîngî.  Qiseykerdişan de ame vîrvistene ke îqtîfaqê AKP-MHPyî bi hêrişê DAÎŞî yê vera Kobanê waşt paştî bido terorî û ame vatene ke  bi desan ray ame vatene ke Kobanê kewt, do bikewo la Kobanê xover da û ser kewt.