10 rojnameyanê Îngîlîstanî de îlanê 'Abdullah Ocalanî rê azadîye'

Rojnameyanê Hucknall Dispatch, The Gazette, The Guardian, Advertiser, Rasen Mail, Sunderlan Cho, Sleaford Standard, Visitor, The News Courier ve The Bucks Beraldî yê Îngîlîstanî de îlanê 'Wextê ci yo, Abdullah Ocalanî rê azadîye' ame dayene.

Xeylêk rojnameyanê Îngîlstanî de seba balantişê serê tecrîdê giranî yê verê Rayberê Şarê Kurdî Abdullah Ocalanî û waştişê azadîya ci ya fîzkî îlanê  'Wextê ci yo, Abdullah Ocalanî rê' azadîye ame dayene.

Îlano ke rojnameyanê Hucknall Dispatch, The Gazette, The Guardian, Advertiser, Rasen Mail, Sunderlan Cho, Sleaford Standard, Visitor, The News Courier ve The Bucks Beraldî ame dayene nê ameyî vatene:

''Qet çewî hendê komelê kurdan na herême de dej nêant. Komelê kurdan qehremankî warê şerî de DAÎŞ na ro. Vakur û Rojhilatê Sûrîye de yew cuyeya newîye û awanîya sosyayele înşa keno. Komelê kurdan haştîye wazeno. Rixmê heme cehdkerdişê haştîye yê kurdan leşkerê tirkî û çeteyê ci hêrişê înan kenê û qirkerdişan kenê. Dinya zî têna înan seyr kena. Prosesê haştîye ke mabênê seranê 2013-15î de mabênê Raybero kurdo polîtîk Abdullah Ocalan o ke tepişteyo û dewleta tirke de ame kerdene hetê Erdoganî ra pûç ame vetene. Seba ke gonî birişîyo Erdoganî no proses da vindarnayene. Wextê prosesê neweyî yê haştîye ame. Wextê ci yo ke Abdullah Ocalan rolê xo yê haştîye kay bikero.Seba ke berê qefilnayeyî yê haştîye berê akerdene ganî heme rayberê polîtîkî û komelo sîvîl û rayapêroyîya mîyanneteweyîye paştî bido Kampanyaya 'Abdullah Ocalanî rê azadîye'.''

Peynîya îlanî de ca dîya nê waştişan:

Ganî tecrîd û îzolasyonê vera Abdullah Ocalanî cade bêro qedînayene.

Tepişteyo polîtîk Abdullah Ocalano  wa cade serbest bêro veradayene. Polîtîkaya hêrişkare ya vera muxalefetî bêro qedînayene.

Ganî heme tepişteyê sîyasîyê serbest bêrê veradayene.

Wa operasyonê vera Vakur û Rojhilatê Sûrîye û Iraqî bêrê vindarnayene. Wa pê paştdayîşê mîyanneteweyî proseso newe yê haştîye bêro destpêkerdene.