Çarçewa tehqîqatêkê Serdozgerîya Komare ya Îstanbulî de 13ê teşrîna verêne de Mersîn, Wan û Îstanbul de sîyasetmedar û aktîvîstê heqanê merdiman zî tede 17 kesî ameybî destbendkerdene.

17 kesan ra 11ê ci seba ke bi telefonî Şaredarê Esenyurtî Ahmet Ozerî de qisey kerdo ameyî tepiştene. Mîyanê 11 kesan de Hemserekê DEM Partî yê Mersînî Reşat Aşan, Hemserekê HDPyî yê verênî Faymagul Demîrtaş û Alattîn Edogan, Selman Gunbat, Faîk Kaplan, Hemserekê Wanî Fîket Dogan û Hemserekê DBPyî yê Wanî yo verên Harun Okay zî est ê.

Ahmet Ozer erkî ra amebi girewtene, tepişîyabi û herinda ci de qeyûm amebi tayînkerdene.