35 welatan ra 1524 avûkatan semedê azadîya Rayberê Şarê Kurdî Abdullah Ocalanî mektubêk îmza kerd.

Bi nameyê îmzakerdoxan paytextê Belçîka Bruksel de dezgehanê huqûqî kombîyayîşê çapemenîye kerde. Kombîyayîş hetê Komeleya  Demokrasî û Huqûqê Mîyanneteweyî (MAF-DAD), Komeleya Baroya Brukselî, Baroyê Yewîya Avûkatan ê Ewropa yê Semedê Heqanê Merdiman ê Dinya (ELDH), Sendîkaya Avûkatanê Demokratîkan ê Ewropa (AED) ra ame organîzekerdene.

Kombîyayîş de yo ke Kulubê Çapemenîye yê Brukselî de ame kerdene, ame vatene ke Abdullah Ocalan, Omer Hayrî Konar, Hamili Yildirim û Veysî Aktaş nêeşkenê avûkatan û merdimanê xo bivînê ke no binpaykerdişê huqûqî yo.

Mektub de yo ke kombîyayîş de ame wendene, derheqê tecrîdê Îmraliyî de zanayîş ame dayene û bale ameye antene muracatê huqûqnasan ser ke wazenê Abdullah Ocalan û tepişteyanê bînan ê îmraliyî zîyaret bikerê.

 Mektubî ra qismêk wina yo: ''30ê nîsana 2024î de cewabê waştişê  pêvînîyîşê wekîlanê DEM Partî de Mudirîya Pêroyî ya Keyeyanê Tewqîfî û Ceza ya ke pabesteya wezîrîya şima ya vatbi verê pêvînayîşê Abdullah Ocalanî û tepişteyanê bînan ê Îmraliyî bi avûkatanê înan de astengêk çîn o. Destûrê bidê avûkatan wa pêvînayîş bikerî ke wa na raştîye warê huqûqê mîyanneteweyî de bêro vînayene. Ma zî wazenê tepişteyanê Îmraliyî zîyaret bikerê.''

Kombîyayîş de îdarekaranê AED, MAF-DAD, ELDHî û baroyan bale ante ser ke dewleta tirke Îmrali de huqûqê mîyanneteweyî binpay kena û veng da ke wa Tirkîya goreyê huqûqî têbigêro û tecrîdê Îmraliyî wedaro. Qiseykerdişan de veng dîya dezgehanê eleqedaran ê Ewropa zî û ame waştene ke wa vera tecrîdî şirê Tirkîya ser.''