Newroze serra 1979î ra nata newe ra bîye zergûn, pelanê tarîxî de ameye nuştene, manşetanê rojnameyan û ekrananê TVyan de ca girewt. Heme hûmaranê aşma adare de manşetê rojnemeyê Serxwebûnî tim Newroz a.
Rojnameyê Serxwebûnî ke rojnameyo verên ê PKKyî yo 1979î de dest pê weşanî kerd û heta roja ma ame. Ronayoxê Serxwebûnî yê verênî ronayoxanê PKKyî ra Mazlûm Dogan, Endamê Komîteya Rayberdişî ya PKKyî Duran Kalkan û Kesîre Yildirm ke peyra PKKyî ra qerfîya ye.
Serxwebûnî bêmabêndayîşî weşanê xo rê dewam kerd. Rixmê heme zextanê vera çapemenîye resa heme kuçeyan.Tradîsyonê çapemenîya azade ke bi Serxwebûnî dest pê kerd xeylê waran de bi nameyanê cîya cîyayan vila bi, gird bi . Rojnamegerê sey Gurbetelli Ersoz, Seyîd Evran, Azîz Kuluoglu, Gulîstan Tara û Nazim Daştanî mîrasê Serxwebûnî dewr girewt şervanîya heqîqetî ya dewrê peyênî kerd û tewrê kerwanê şehîdan bîyî.
Heme hûmaranê aşma adare de manşetê rojnemeyê Serxwebûnî tim Newroz a. Ma sey ANFyî cehd kerd ke 1979î ra nata heme manşetê tarîxî yê Newroze yê Serxwebûnî bîyarê têhet. Nê manşetan de dahîna rind yeno vînayene ke Newroze senî tarîxî ya û Kurdîstan de rixmê senî zehmetîyan newe ra zergûn bîye.
Serra 1979î ra heta serra 2014î manşetê Newroze yê rojnameyê Serxwebûnî…
