Paytextê Fransa Paris û paytextê Yunanistanî Atina de bi wesîleya serrgêra 44. ya ronayîşê PKKyî çalakîyî ameyî kerdene.

Kampa Lavrioyî ya ke nêzdîya Atîna de ya rayraşîyayîşêk ame kerdene.  Bi desan kesê ke tewrê çalakîye bîyî sloganan bala ante muhîmîya PKKyî ser û mesajê wayîrvejîyayîşê ci dayî. Qiseykerdişan de ame vatene ke şarê kurdî ke estbîyayîşê xo deyndarê PKKyî yo sey tim do ewro ra tepîya zî paştî bido gerîlayanê xo. Qiseykerdişan de PKK sey têgêrayîşê şaran ame namekerdene û ame vatene ke PKK hêvîya şaran o ke ganî bêro wayîrvejîyayene.

Paris de ciwanan semedê pîrozkerdişê ronayîşê PKKyî bi waştişê azadîya Rayberê Şarê Kurdî Abdullah Ocalanî Villiers Le Bel û Drancy rayraşîyîş kerd. Ciwanan xoverdayîşê gerîlayan û Îmraliyî selam kerd û mesajê pîlkerdişê têkoşînî dayî.