Hêzanê Sûrîyeya Demokratîke bajarekê Dranî ya Dêrazorî de vêrê hêrişê çeteyanê DAÎŞî girewt. Çeteyêk ame kiştene û semedê tepiştişê çeteyanê bînan operasyon dîya destpêkerdene.

Goreyê eşkerayîya Merkezê Îrtîbatî yê QSDyî roja şemeyî şarî xebere da înan ke têgêrayîşêko şikdar est o û naye ser o hêzanê asayîşî verê xo da na herême. Yewiyan cade çemberê asayîşî pêard û hucreyê DAÎŞî da pûsû ro. Pêkewtiş de çeteyêk ame kiştene û çeteyê bînî remayî.

Eşkerayîye de ame vatene ke çeteyan plan kerdêne ke  herême de mayin û bombayê ke bi destî  ameyî hazirkerdene ca bikerê; badê pêkewtişî herême de operasyon dîya destpêkerdene.

.