Komeleya Heqanê Merdiman (ÎHD) a Anqara rayaumûmîye reyde zîndananê Anatoliaya Mîyanêne de binpaykerdişanê heqanê tepişteyan ser o raporêk pare kerd. Rapor hetê Endama Heyetê Rayberdişê Merkezî yê ÎHDyî Nuraye Çevîrmen ra ame wendene.

Goreyê raporî mabênê menganê temmuze û êlule de zîndanan de 14 tepişteyî merdî. Çevîrmene vat: ''Ame îdîakerdene ke 4 tepişteyan xo kişt. Sebebê mergê tepişteyêkî/e nêame eşkerakerdene. 4 tepişteyî nêweşîye ra merdî. 3 tepişteyê kanserî dima ke înfazê înan ame taloqkerdene merdî. Tepişteyêke zî wexto ke bi waştişê hukmkerdişê edîlî grevê vêşanîye kerdêne merde.

Çevîrmene ard ziwan  ke 51 tepişteyî zî maruzê îşkence û têgêrayîşê xirabî bîyî.

Eşkerayîye de ame vatene ke 604ê înan giran tewr tay hezar 605 tepişteyê nêweşî zîndanan de yê û seba ke heme heqê tepişteyan yenê bipaykerdene, zehmeto tewr pîl tepişteyê nêweşî ancenê ke mergî rê ameyî caverdayene.