Wezîrîya Karanê Zereyî ya Tirkîya çarçeweya tedbîranê vera janê Korona ra de 31 bajaranê girdan û Zonguldak de heta 12ê nîsane roja dişemeyî qedexeyê tebervejîyayîşî îlan kerd.

Bajarê ke qedexe ame îlankerdene wîna yê:

Adana, Ankara, Antalya, Aydin, Balikesir, Bursa, Denizli, Amed, Erzurum, Eskişehir, Semsur, Hatay, İstanbul, İzmir, Maraş, Kayseri, Kocaeli, Konya, Meletî, Manisa, Mêrdîn, Mersin, Mugla, Ordu, Sakarya, Samsun, Riha, Tekirdag, Trabzon, Wan û Zonguldak.

Cayê ke nan û malzemeyê weşîye vejenê, sazgeh û dezgehê weşîye, keyeyê miqatbîyayîşê extîyaran, merkezê vengdayîşê lezabezî, tay benzînxaneyî, klînîkê bataran, PTT, kargoyî û şîrketê vilakerdişî yê sey înan û cayê mendişê heywanan do akerde bimanê.