34 baroyan vera cezaya 3 serran û 9 mengan ke dîyaye Hemşaredarê Bajarê Pîlî yê Wanî Abdullah Zeydanî û xespkerdişê wezîfeyê ci eşkerayîya hempare daye.

Eşkerayîye de bale ame serantene ke Tirkîya de vera îradeyê vîjnayîşî mudaxale yeno kerdene û nê ameyî vatene:  ''2016î ra nata polîtîkayê ke bi hewayêkê sîstematîkî yenê rayraberdene hinî mekanîzmayê demokratîkî fîlî werte ra wedaritî. Îradeyê şarî çîn yeno hesibnayene, herindê  îdarekaranê ke ameyî vîjnayene de burokratî yenê caakerdene û îdareyê cayîyî yenê bê foksîyonkerdene. No fam vera îradeyê weçînitoxan  sey mudaxaleyêkî tarîx de cayê xo girewt. Polîtîkayê qeyûmî hinî îstîsnayêk nîyê, açarîyayî pratîkê îdareyî û na rewşe nîna qebulkerdene.''

Baroyanê ke eşekrayîye daye winayî: "Wan, Colemêrg, Semsûr, Agirî, Mûş, Amed, Şirnex, Êlih, Dersim, Bedlîs, Îdir, Dîlok, Qers, Sêrt, Çewlîg, Riha, Mersin, Ankara, Antalya, Aydin, Balikesir, Bursa, Bolu, Denizli, Edirne, Eskişehir, Hatay, İstanbul, İzmir, Kastamonu, Kocaeli, Manisa, Mugla û Zonguldak barosu."