Serekanê Komîteyan ê Karanê Teberî yê Almanya, Fransa, Kralîyetê Yewbîyayeyî, Parlamentoyê Ewropa û parlamentoyê DYA pare kerd ke Dewleta Tirkî bi hêrişanê xo huqûqê mîyanneteweyî binpay kerd.

Eşkerayîya hempare wina ya:

"Ma serekê komîsyonanê karanê teberî yê Almanya, Fransa, Kralîyetê Yewbîyayeyî, Parlamentoyê Ewropa û ê DYA hêrişê dewleta Tirkî yê serê Sûrîye bi hewayêkê pîtî şermezar kenê. No hêrişkarîyêka leşkerî û verba huqûqê mîyanneteweyî yo.Goreyê ma şaş o ke Kurdê Sûrîye têna yenê verdene. Hemkarê ma QSD'yî verba DAÎŞ'î hemkarîyêka pîlê û têkoşînêko gird da. Na alozîya ke rîyê hêrişê dewleta Tirkî ra vejîyaya meydan, beno ke terorê Îslamî reyna ganî bike. Coka ma veng danê DYA ke wa wezîfeyê xo bîyare ca.Ma veng danê Yewîya Ewropa zî ke wa berpirsîyarîya xo bîyare ca. Rayîrêk esto, ganî ma tewirêko pît bimojnê. No şer şarê welatanê ma rê bi hewayêkê menfî tesîr keno."