Kuçeyê Îstîklalî yê Taksîmê Îstanbulî de endamanê SODAPî bi şîarê ''Ma nêeşkenê îdareyê xo bikerê''  zemê ke têdima yenê protesto kerdî. Polîsan hêriş kerd pê şîdetî 7 kesî destbend kerdî.

Çalakîye de pankarta  ''Ma do welatêko çew tede eşkeno biciwîyo biafernê'' ame akerdene û ame vatene  sîstemê kapîtalîstî de bi mîlyonan kesî vêşan ê, bêkar ê. Çareserî sosyalîzm de yo. Dorme ra şarî pê çapikan paştî daye çalakwanan. Polîsan verê grûbe girewt  la çalakwanan rixmê astengîyan rayraşîyayîşî rê dewam kerd. Polîsan hêriş kerd û bizorî avlûya Camîya Huseyîn Aga de 7 kesî destbend kerdî.