Partîya Sosyalîste ya Bindestan (ESP) vera zîndananê sey bîran Dêrsim de grevê vêşanîye yê di rojan da destpêkerdene. ESP wazeno ke wa zîndanê sey bîran bêrê wedaritene.

Orhan Çelebîyî derheqê grevî de eşkerayîye daye û vat: ‘’Îqtîdarî welat kerdo zîndanê nêmakerdeyî. Zîndananê sey bîran de tecrîd û îzolasyon zêde yê, nînan de hucreyê yewkesî û hîrêkesî est ê. Tepişteyê nêweşê ke nêeşkenê bi sereyê xo îhtîyacanê xo peyda bikerê, erzîyenê nînan.’’