HDP, EMEP, EHP, Halkevleri, SMF, TÎP û TOPî bi wesîleya 1ê Gulane Roja Yewîye, Têkoşîn û Paştdayîşî ya Kedkaran eşkerayîyêka nuştekîye daye.

Eşkerayîye de nê çîyî ameyî vatene:

''Îqtîdarî seba ke estbîyayîşê xo rê dewam bikero vera şarî teda zêdînaye û muxalefetê sîstemî zî şar kuçeyan ra apey girewt û muxalefet sindoqan de çareserîye vîneno. La çareserîye sindoqan, asayîş û weçînayîşan de nîya. Ma 7 partîyanê sîyasîyan venga şarê xo danê ke seba nan, demokrasî û azadîye 1ê Gulane de vejîyê meydanan. Cewabê vera îqtîdarî kuçeyan, waran, paştdayîş û têkoşîn de yo.

Xoverdayîşê cinîyan ê 8ê Adare no eşkera kerd. Şarê kurdî Newroze de serewedaritişêko heybetîn mojna. Nika ganî ma xoverdayîşê 8ê Adare û Newroze ra gêz bigêrê û 1ê Gulane de waran bikerê dengizê şaran. 1ê Gulane wa bibo warê her kesî, kedkar û karkeran.

Ma sey 7 partî û rêxistinan seba ke 1ê Gulane bi girseyan fîraz bikerê venga konfederasyonanê sendîkayan, rêxistinanê kede û karan danê ke pêro bafrîka, kargeh û taxan de 1ê Gulane fîraz bikerê.

1ê Gulane Roja Yewîye, Têkoşîn û Paştdayîşî ya Kedkaran a ke vera sermaye û kanwazîye biba parçeyêkê paştdayîşê enternasyonel û têkoşînî.''