Nobeta Azadîye ya ke 25ê hezîrana 2012î de hetê Înîsîyatîfê Abdullah Ocalanî rê Azadîye rê seba azadîya Rayberê Şarê Kurdî Abdullah Ocalanî dîyabî destpêkerdene, dewam kena.

Hewteyê 511. de endamanê Merkezê Komelê Demokratîkî yê Kurdan ê Toulouse Çîgdeme Yildirim, Zelale Yildiz, Mervan Yildirim û Yusuf Çîftçî nobete dewr girewte.

Nameyê kome ser o Çîgdeme Yildirim qisey kerd û ard ziwan ke seba ke înan 4ê Nîsane de nobete dewr girewta zaf şay ê. Yildirime vat: ''Ma rojbîyayîşê 73. yê Rayberîya xo fîraz kenê. 4ê Nîsane heman wextî de newe ra bîyayîşê şarê kurdî û şorişê cinîya azade yo.''

Çîgdeme Yildirim pare kerd ke ganî kurdî wayîrê erjanê xo vejîyê û Nobeta Azadîye zî nê erjan ra yew a. Yildirime vat: ''Ma venga pêro kurdan danê ke wayîrê çalakîya nobete û Rayberîya ma vejîyê. Cuyêka bîne bi azadîya Rayberîye mumkîn a.''

Yildirime dîyar kerd ke ê do qetî esaretê Abdullah Ocalanî qebul mekerê û vat: ''Senî ke şarê Kurdîstanî rixmê pêro çîyan zî payan ser de vindeno û têkoşîn keno, ganî ma zî tîya de payan ser de vinderê û têkoşîn bikerê.''