Çalakîya Nobeta Azadîye ya ke semedê azadîya Rayberê Şarê Kurdî Abdullah Ocalanî yena kerdene hewteyê 484. de dewam kena. Çalakîya nobete no hewte hetê endamanê Têgêrayîşê Cinîyan ê Kurdan ê Swîsre ra ameye dewrgirewtene.

Koma nobete de Songule Hurgeç, Saadete Kural û Dîlane Zaza ca gênê. Saadete Kural nameyê kome ser o qisey kerd û pare kerd ke heta ke Ocalan azad bibo cinîyê kurdî têkoşîn bikerê û wayîrê nobeta azadîye vejîyê.

Kurale vat: ''Ewropa tecrîd û îşkenceyê vera Rayberîye peygoş kena, nêvînena. Ewropa bena şirîka sûcanê dewleta tirke ke şexsê Ocalanî de vera şarê kurdî yenê kerdene. Heta Rayberîya ma azad nêba sey cinîyan ma zî do azad nêbê.''

Kurale venga pêro kurdan da ke tewrê çalakîyan bibê, vera hêrişanê îşxalî yê dewleta tirke û xîretanê ci yê qirkerdişî kurdî têna pê têkoşînê hemparî eşkenê ser bikewê.