Bi vengdayîşê seferberîye yê KCDK-E kurdîstanijan 7ê kanûne de bajarê Strasbourgî yê Fransa de verê banê CPTyî de çalakîya hîrê rojan daye destpêkerdene. Roja peyêne de çalakîye hetê kurdanê ke bajaranê Stuttgart,  Esslingen, Heilbronn,  Freiburg, Lahr, Nurnberg,  Munih û Bodensee ra şîye, ameye dewrgirewtene.

Çalakîye de Endamê KNKyî Tahîr Koçerî qisey kerd. Koçerî vist vîrî ke wezîfeyê CPTyî îşkencekerdoxan ra hesabpersayîş o û vat: “CPTyî ra waştişê ma oyo ke pêkerdişê ke îmza kerdî wa şertanê ci bîyaro ca. Ma çîyêkê bînî nêwezanê. Hinda sebrê şarê kurdî nêmendo. Ma wazenê Rayberîye ra cevabê bîgêrê. Ganî cade avûkatê Birêz Abdullah Ocalanî pêvînayîş bikerê. Ma do semedê azadîya Rayber Apoyî ewro ra tepîya zî her warî de têkoşînî bidomnê. ”
Çalakîye bi slogannaê “Bê Serok jiyan nabe”, “Bijî Serok Apo” qedîyaye.