Kongreya 12. ya PKKyî mabênê tarîxanê 5-7ê gulane de Herêmanê Pawitişî yê Medya ameye kerdene. encamname û qerarê ke kongre de ameyî girewtene 12ê gulane de rayrapêroyîye de ameyî parekerdene.

 Delegeyan ra Fermandara Karargahê Merkezî yê YJA Starî Zozane Çewlîg kongre de wina erjnayîşî kerdî:

''Ma sey cinîyan ê kurdan û Têgêgrayîşê Cinîyan şansê ma est o. Rayber Apoyî têna semedê meseleya kurdan nê semedê meseleyanê ke 5 hezar serran ra zafêr o dewam kenê, têkoşîn kerd. Rayber Apo cinîye wina pênas keno: Cinîye cuye afirna, serkêşîya komelî kerd, nan dî la ewro bê nan a. Ewro bi sîyaset, şer û serdestîya camêrdan heme warê cuye cinîyan ra ameyî qerfnayene. Rayber Apoyî şexsê cinîya kurde de estbîyayîşêk, nasnameyêk û zanîstîyêk vet werte.

Ma sey şarê kurdî û cinîyan ê kurdan îdeolojîya Rayber Apoyî sey nasnameyê xo û azadîya xo vînenê. Ma sey têgêrayîşê cinîyan zelal ê. Ma sey hêzanê pawitişê cinîyan zelal ê. Xelisyayîşê ma bi xelisyayîşê Rayber Apoyî mumkun o. Pawitişê xeta Rayber Apoyî pawitişê xeta xelisnayîşê cinîyan o. Ma pêro zanê, têkoşînê azadîye yê cinîyan garantîya serkewtişê xeta  Rayber Apoyî ya. Garantîya komelê demokratkîkî ya. Garantîya pawitişê şarê kurdkî û komelê kurdî ya, garantîya xo pawitişî ya.

Rayber Apoyî cinîye hetê hişmendî, rêxistine û azadîye ra aver berd. Eke cinîyêke şexsê xo de hişmenîdîya cinîye înşa bikero, her kesî ra zafêr wayîrê nê têkoşînî vejîyena. Ez sey temsîlkarêka hêzanê pawitişî yê cinîyan eşkena nê vajî ke, merkezê têkoşînê ma Rayber Apo yo. Na babete de qet şik  û teredutê ma çîn ê. Ma hêzê xo Rayber Apoyî ra genê. Cinîyî nika qirkerdişî dir rî bi rî yê. Vera nê çew nêeşkeno verê têkoşînê cinîyan de vindero. Çunke hişmendîya azadîye ya cinîyan cayê xo girewto û cinîye zaf hole zana ke azadîye bê pawitişî nêbena.''