Hemsereka Meclîsê Şarî yê Mexmûrî Fîlîze Budak derheqê biranê Kongreya 12ine ya PKKyî, şehadetanê Alî Haydar Kaytan û Riza Altunî û çarenusê Kampa Multecîyan a Şehîd Rûstem Cûdîyî de ajansê ma rê qisey kerd.

Fîlîze Budak Kaytan û Altun yad kerdî û vat: ‘’Şehadetê nê wird serkêşan ma dejnayî. Înan verê ma roşnî kerd. Wirdî zî embazê Rayber Apoyî yê verênî bîyî. Embaz Alî Haydar Kaytanî û Riza Altunî nasnameyê kurdanê azadan aferna. Ma mînetdarê înan ê. Ganî ma layîqê înan bibê.’’

Fîlîze bale ante Kongreya PKKyî ser û vat: ‘’Pêro birê na kongre tarîxî yê. Qerar û erjnayîşê Kongreya 12ine manîfesto yê û do verê komelê demokratîke û haştîye abikerê. PKKyî şarê kurdî îmha ra xelisna û bire daye ke hinî rolê ci têkoşînê çekdarî de qedîyayo. Ma bi Rayber Apoyî û rêxistinê xo bawer ê û ma do heta peynî gamanê înan teqîb bikerê.’’

Fîlîze îfade kerd ke birê kongre qetî do tesîrê Kampa Mexmûrî bikerê û vat: ‘’Şarê Mexmûrî 90an de zulmê dewleta tirke ra koç kerd. 30 serran o no şar xo ver dano. Tewirê şarê Mexmûrî tewirêko polîtîk o. Eke agêrayîş do bêro kerdene şertê şarî est ê. Hêverî ganî Rayber Apo azad bibo, ganî dewlete hesab bida û aramîye bîyara ca. Verê ma de prosesêk est o û ma ney teqîb kenê. Ma do goreyê biranê Rayber Apoyî û Têgêrayîşê Azadîye têbigêrê.’’