Kongreya 12ine ya PKKyî mabênê 5-7ê gulane de Herêmanê Pawitişî yê Medya de amebî kerdene.

Delegeyanê kongre ra Sorxwîne Avesta wina qisey kerd:

‘’Ez bi xo esîrgirewtişê Rayberîye ra dima tewrê partîye bîya. Ma tewrê Serekîye bîyî. Armancê ma yo tewr pîl caardişê azadîya Serekîye yo. La dewlete hema zî na babete peygoş kena. Eşkerayîya Serekîye ra dima dişmen tunelan ser o gêra, vat ke wa ma teslîm bibê. Dişmen raştîya ma nêzaneno. Embazanê ma Cemalî û Zozane tunelanê Şehîd Yunusî de mektubêke nuşte. Qismêkê na mektube seba dişmenî ya. Xora embazan no qism bi cîhazê bêtêlî dişmenî rê wend. Ez wazena nê qismî biwana û qiseykerdişê xo biqedîna: ‘Şima her roje yenê û vanê ke ma wa teslîm bibê. Şima her firsend de sûcê şerî kenê. Ma do vera teslîmîyetî xoverdayîş de tim israr bikerê. Ma sey şerwananê azadîye vera nê şerê bêedaletî vejîyê. Şima zî qurbanê nê şerî yê.’ Embazan bi nê mesajî tewirê xo eşkera kerd. Ganî ma şexsê şehîdan Mîtra û Besê de têkoşîn zafêr bikerê û nê kayanê dewleta tirke betal bikerê û erkanê xo bîyarê ca.’’

Îbrahîm Urfayî zî kongre de wina qisey kerd:

‘’Şerê çekdarî bi ma da qezençkerdene. Dewleta tirke xêrê ney ra neçare menda ke şora verê lingê Serekîye. Ma xo qij vînenê. Şero ke ma kenê dewleta tirke bi xo nêeşkena bikera. Çew nêeşkayêne sey ma vera DAÎŞî şer bikero. Ma bi kedan resayî nê rojan. Seba ke no proses bêro caardene ganî Serek azad bibo. Ganî Serek Îmrali de nêbo.’’