Bajaranê Cenevere û Lozanî de her hewte roja çarçeweyî semedê azadîya Rayberê Şarê Kurdî Abdullah Ocalanî çalakîye yena kerdene. Çalakîyanê nê hewteyî de  bale ameye antene merganê şikdaran û binpaykerdişê heqan ê zîndanan ser û vera qedexeyê PKKyî îmzayî ameyî arêdayene.

Çalakîya roniştişî ya ke verê Ofîsê Neteweyanê Yewbîyayeyan (NY) yê Cenevre de 25ê çeleyî de ameye destpêkerdene, dewam kena. Hemserekê Merkezê Komelê Demokratîkî yê Kurdan ê Cenevre Salîh Saglamî ke tîya qisey kerd bale ante şehadatanê peyênan ê zîndanan ser û vat: ''Eşkerayo ke tepişteyî ameyî îfazkerdene. Dewleta tirke provayê qirkerdişêkê neweyî kena. Zîhnîyeto ke bi çektanê kîmyewîyan hêrişê gerîlayan keno bi hêrişê vera tepişteyan zî wazeno ke îradeyê şarê kurdî bişikino. Ma to tim bibê vengê gerîlayan û tepişteyanê sîyasîyan.''

Reyna çalakîya bîne ya çarşemeyî ya ke bi eynî waştişî Lozan de yena kerdene de zî bale ameye antene rewşa zîndanan ser û semedê paştdayîşê tepişteyanê sîyasîyan ame vengdayene. Wird çalakîyan de zî startê îmzayan ê kampanyaya verê qedexeyê PKKyî ya ke ameybî destpêkerdene, ame dayene. Çarçewa kampanya de do aktîvîstî Cenevre û Lozan de do îmzayan arêdê.

Hetê bînî ra ewro do xeylêk merkezanê Swîsre de semedê paştdayîşê tepişteyanê nêweşan û sîyasîyan çalakîyî bêrê kerdene. Ca û saetê çalakîyan wina yê:

Biel: Bahnhofplatz, saete: 18.00

Luzern: Bahnhofplatz, saete: 17.00

Aarau: Bahnhofplatz, saete: 18.30

Zurih: Stauffacher, saete: 18.00