Paytext Berlîn û bajarê Stuttgartî yê Almanya û paytextê Fransa Parîs de semedê azadîya Hemsereka Pêroyî ya HDPyî ya verêne Fîgene Yuksekdage û parlameteranê tepişteyan çalakîyî ameyî viraştene.

Çalakîya Berlînî ya ke hetê organîzasyonê cîya cîyayan ra ameye organîze kerdene de azadîya parlementeranê tepişteyan ameye waştene. Reyna Qirkerdişê Mereş, Roboskî û 19ê Kanûne zî ameyî vîrardene û şehîdî ameyî yadkerdene.

Stuttgart de zî de  bi tewrbîyayîşê organîzasyonanê cîya cîyayan çalakîyêk ameye viraştene. Çalakîye de derheqê hêrişê îqtîdarî yê vera HDPyî de zanayîş ame dayene û ame waştene ke hemserekî Yukdage û Demirtaş û heme parlementerê tepişteyî wa cade bêrê veradayene.

Parîs de zî çarçeweya Kampanyaya ''Seba Yuksekdage û Wekîlanê Bînan Azadîye'' çalakîya fînale ameye viraştene. Çalakîye de seba tewrbîyayîşê roniştişê Yuksekdage yo ke do 24ê kanûne de bêro viraştene ame vengdayene û azadîya parlamenteran ameye waştene.