Xeylêk bajaranê Almanya de bi çalakîyanê xeyme bale ameye antene serê şuxulnayîşê çekanê qedexeyan ê dewleta tirke ser û veng dîya dezgehanê Ewropa ke wa wezîfeyê xo bîyarê ca û nê hêrişan vindarnê.
Bajaranê Stuttgart, Dusseldorf û Kolnî yê Almanya de bi çalakîyanê xeyme bale ameye antene hêrişanê kîmyewîyan ê dewleta tirke yê vera kurdan ser.
Dusseldorf de çalakîya xeyme ya ke serkêşîya YJK-E de seba 5 rojan verê Parlamentoyê NRWyî de yena kerdene vizêr roja diyîne de dewam kerde. Çarçawa çalakîye de derheqê çekanê qedexeyan ê ke dewleta tirke vera gerîlayan şuxulnena de parlamentoyî rê dosyayêke ameye teqdîmkerdene. Sîyasetmedar Lezgîn Botan zî tewrê çalakîye bi û veng da şaranê Ewropa ke wa vera nê qirkerdişî bêveng memanê û dezgehanê eleqedaran ra zî waşt ke wa şirê Tirkîya ser ke nê hêrişî bêrê vindarnayene. Reyna hunermendê kurdî Hozan Seyîdxan û Hozan Kawa zî pê deyîranê xo tewrê çalakîye bîyî.
Bi eynî waştişî Stuttgart de zî verê Parlamentoyê Baden Wurttembergî hetê Federasyonê FCK-BW-Bayernî û TJK-E ra çalakîya xeyme ya 3 rojan dîyaye destpêkerdene. Çalakwanan seba ke bale binacê çekanê kîmyewîyan ser kincê sipîyî kerdî piray û maskeyî kerdî pa.
Koln de zî Meclîsê Cinîyan ê Vîyane seba ke OPCWyî bikewo dewre bi pê çalakîya xeyme çalakîya mektube domnaye. Çalakîye de îmzayî ameyî arêdayene û derheqê hêrişan de vilawekî ameyî vilakerdene.
