Ciwananê ke semedê azadîya Rayberê Şarê Kurdî Abdullah Ocalanî bajarê Heilbronnî de perey Rayraşîyayîşo Derg da destpêkerdene, vizêr Ludwigsburgî ra heta Stuttgartî rayra şîyî. Ciwanan verê Zîndanê Stammheimî de semedê paştdayîşê tepişteyanê sîyasîyan mîtîng kerd.

Verê rayraşîyayîşî semedê qûrbananê erdlerzî yê Vakur û Rojawanê Kurdîstanî rêz ame girewtene û mesajê paştdayîşî ameyî dayene.

Dima ciwanan bi slogana “Bijî Serok Apo” dest pê rayraşîyayîşî kerd. Rayîrê ser o verê Zîndanê Stammheimî de semedê paştdayîşê tepişteyanê sîyasîyan mîtîgêk ame kerdene. Wextê eşkerayîye de zîndanî ra vengê sloganan bi berz.

Ciwanan vera tekîlîya lemine ya Almanya Tirkîya hêrsê xo ard ziwan û azadîya Merdan K.  û Mazlûm D.yî û heme tepişteyanê sîyasîyan waşte.

Roja diyîne ya Rayraşîyayîşê Dergî bi eşkerayîya ke derheqê rewşa Abdullah Ocalanî de  merkezê Stuttgartî de ameye dayene, qedîyaye û saetanê şewe de zî aktîvîteyî ameyî kerdene. Ciwanî ewro do Stuttgartî ra heta Boblingenî rayra şirê.