Çelê de bi destê qoricîyan darî yenê qirkerdene. Darê ke qir benê nêzdîyê dewa Bîyadîrî de yenê pêserkerdene û dima roşîyenê. Dewijî vanê ke nê darî herêmanê Zap, Avaşîn û Metîna ra birîyenê.

Hetê bînî ra Xana Axparî ya Amedî de, taxa Husikanî de darî seba ocaxê xizî birîyenê. La şarî vera ney nêrazîbîyayîşê xo mojna. Dîya zanayene ke herêma Girgeverî de seba akerdişê ocaxê xizî hetê Şîrketa Kalyonî xebatî yenê kerdene. Şarî 24ê adare de vera şîrketa înşatî ya Kalyonî nêrazîbîyayîşê xo mojna. Leşkeran guleyî verdayî derûdorî û dewijî tehdît kerdî. Hêrişê leşkeran bi telefonan ame qeydkerdene.