Dewa Madragî ya Çewlîgî de polîsan eştbî keyeyanê Ahmet Gurdegîr (34), Hatune Gurdegîr (65) û Ertan Gurdegîrî ser. Sereştiş de Ahmet Gurdegîr, Bermake Gurdegîr û Azad Gurdegîr ameyî destbendkerdene û semedê raporê weşîye ameyî berdene bi Nêweşxaneyê Dewlete yê Çewlîgî.

Kênaya Hatune Gurdegîr Ayfere Gurdegîr pare kerd ke sereştiş de polîsan Azad Gurdegîr derbe kerd û sereyê ey şikit. Ayfere Gurdegîr vat: ''Semedê raporê weşîye ê ameyî berdene bi Nêweşxaneyê Dewlete yê Çewlîgî. La polîsan nêverda ke raporê derbe bidîyo Azadî.''

Ayfere Gurdegîr îfade kerd polîsan sereştiş de heqaretî kerdî, nêngî çînayî û înan gerreyê polîsan kerdo.

3 destbendkerdeyî zî Mudirîya Asayîşî ya Çewlîgî de tepişîyenê.