Êlule de xeylêk rojnamegeran rê dewa ameye akerdene
DFGyî pare kerd ke êlule de 6 rojnamegeran ser o tehqîqat ame akerdene, 7 rojnamegeran rê dewa ameye akerdene û cezaya zîndanî ya 27 serran û 3 mengan dîyaye 6 rojnamegeran.
Komeleya Rojnamegeran a Dîcle-Firatî (DFG) Raporê Binpaykerdişê Heqanê Rojnamegeran ê menga elûle eşkera kerd.
Rapor de nê doneyî ameyî parekerdene:
-50 rojnamegerî vejîyayî mehkeme verî û nînan ra cezaya zîndanî ya 27 serran û 3 mengan dîyaye 6 rojnamegeran.
-RTUK û Heyetê Îlanan ê Çapemenîye dezgehanê çapemenîye rê sansûr ferz kenê.
-9 keyepelî ameyî astengkerdene,
-63 rojnamegerî tepişte yê, 5 rojnamegerî êlule de ameyî destbendkerdene, yew rojnameger tepişîya, 3 rojnamegerî maruzê hêrişî mendî, xebera 15 rojnamegeran ameye astengkerdene, 6 rojnamegeran ser o tehqîqat ame akerdene, 7 rojnamegeran rê dewa ameye akerdene, mehkemeya 50 rojnameheran dewam kena.
-Zîndan de heqê 2 rojnamegeran ameyî binpaykerdene, 3 rojnameyan rê ceza dîyaye, RTUKî ceza daye 7 kanalan, 37 keyepelê xeberan ameyî astengkerdene û 7 rojnamegerî karî ra ameyî vetene.
