Eşkera bi ke mektubê ke Komeleya Rojnamegeran a Dîcle Firatî (DFG) rojnamegere Sîbele Mustafaoglu rê şawitbî Îdareyê Zîndanê Şakranî dest nayo înan ser.

Dima ke derheqê mektuban de teblîqat erşawîya rojnamegere Sîbele kerdişê zîndanî vejîya werte. Sîbele Mustafaoglu pê mektubêke pê hesna ke îdareyî dest nayo metubanê DFGyî ser. Sîbele da zanayene ke semedo ke dest nîyeno ser a nêeşkena mektube de qala 'tay çîyan' bikera.

Sîbele Mustafaoglu vat: ''Waştişnameyo ke mi şawitbi Wezaretê Edaletî dest nîya ey ser zî. Ez mîyanê şert û mercanê giranan de ya. Mumkîn nîyo ke ez pê mektune qala nê şertan bikera û bişawa teberî.''

Hemsereka DFGyî Dîcle Muftuoglu vera kerdişê zîndanî nêrazîbîyayîşê xo mojna û pare kerd ke îdareyê zîndanî goreyê keyfê xo têgêreno. Dîcle vat: ''Na bire skandal a.''